Խոսրովի անտառում ֆոտոթակարդում է հայտնվել Կովկասյան էկոտարածաշրջանի ամենավտանգված կենդանատեսակներից մեկը

ՀՀ շրջակա միջավայրի նախարարությունը հայտնում է. ««Խոսրովի անտառ» պետական արգելոց» ՊՈԱԿ-ի և Բնության համաշխարհային հիմնադրամի հայաստանյան մասնաճյուղի հետ համատեղ իրականացվող մշտադիտարկման աշխատանքների արդյունքում արգելոցի ֆոտոթակարդները կրկին նկարահանել են կովկասյան ընձառյուծին:
Ընձառյուծը Հայաստանի կենդանական աշխարհի ամենատպավորիչ և կովկասյան էկոտարածաշրջանի ամենավտանգված կենդանատեսակներից մեկն է:
Ներկայումս կովկասյան ընձառյուծը, ընդգրկված է ՀՀ Կարմիր գրքում և Բնության պահպանության միջազգային միության Կարմիր ցուցակում:
Ընձառյուծին կարելի է հանդիպել հետևյալ վայրերում՝
Լայնատերև անտառներում և նոսրանտառներում
Լեռնային տափաստաններում
Մերձալպյան մարգագետիններում
Ալպյան մարգագետիններում»: