«Ինչո՞ւ եք զարմանում, որ Նաիրի Հունանյանի ընկեր դաշնակները կարող են ներխուժել հյուրանոց». Լյովա Եղիազարյան

«Հանրապետություն» կուսակցության անդամ Լյովա Եղիազարյանի գրառումը. «Բայց ինչո՞ւ եք զարմանում ու զայրանում, որ Նաիրի Հունանյանի ընկեր դաշնակները կարող են ներխուժել հյուրանոց ու Զարեհ Սինանյանին դասեր տալ ու խանգարել նրան։

Կարող էին և գնդակահարել, ինչպես Նաիրին։

Ուրեմն՝ «փառք ու պատիվ» իրենց, որ չեն գնդակահարել։ Ու բողոքում են, վայնասուն բարձրացնում, որ ինչ-որ լածիրակի անցանկալի անձ են հայտարարել Հայաստանում ու ռադ արել երկրից։

Պետք է մեկիկ-մեկիկ հաշվառել հայաստանցի պաշտոնյաների նկատմամբ անհարգալից վերաբերմունք ցույց տվող մարդկանց ու արգելել նրանց մուտքը Հայաստան:
Մեր ներսի ահաբեկիչները մեզ լիուլի հերիք են ու սրանց էլ պիտի պատժել»։