«Ադրբեջանի հաջորդ քայլն առավել քան կանխատեսելի է». Վարդան Բալյան

Քաղաքական վերլուծաբան Վարդան Բալյանը ֆեյսբուքյան իր էջում գրում է. «Ադրբեջանի հաջորդ քայլն առավել քան կանխատեսելի է՝ Արցախի պաշտպանության բանակի զինաթափում, ըստ որում, պահանջի հասցեատերը կանխավ հայտնի է՝ Ռուսաստանի Դաշնությունը: Վերջին շրջանում ադրբեջանական փորձագիտական հանրույթը և սոցմեդիան ակտիվորեն քննարկում են պաշտոնական Երևանի դիրքորոշումը՝ ձեռքերը լվանալ և Արցախի հարցով Բաքվի հետ պայմանավորվածությունների պատասխանատվությունն ամբողջությամբ պատվիրակել Ռուսաստանին, ինչին ադրբեջանցիներն ընդդիմանալու են ամեն կերպ: Պատճառն առավել քան պարզ է ու հստակ՝ Հայաստանի հետ ստացվում է, կարողանում են խոսել ռազմական սպառնալիքի լեզվով:

Երեկվա դեպքերը լրացուցիչ ապացույց՝ հայկական ժամկետային վերջին զինծառայողներին հրատապ կարգով տեղափոխում են Արցախի հանրապետությունից: Սրանք ներսում առյուծ են ձևանում, դրսում կատու են՝ փիսիկ»: