«Գլոբբինգ» ընկերությունով սկսել են զբաղվել պետական մարմինները. ի՞նչ է կատարվել. «Ժողովուրդ»

«Ժողովուրդ» օրաթերթը գրում է․ ««Գլոբալ շիփփինգ» կամ, ինչպես հանրությանն է հայտնի, «Գլոբբինգ» ընկերությունով սկսել են զբաղվել պետական մարմինները. նրանց անբարեխիղճ աշխատանքը դժգոհություններ է հարուցել: Օրեր առաջ հայտնի դարձավ, որ Մրցակցության պաշտպանության հանձնաժողովը վարույթ է հարուցել արտասահմանից ՀՀ առաքման ծառայություններ մատուցող 3 ընկերության նկատմամբ, որոնց թվում է «Գլոբբինգ»-ը: Ըստ հանձնաժողովի՝ հարուցվել է վարույթ՝ առերևույթ հասարակության մոլորեցման դրսևորմամբ անբարեխիղճ մրցակցության հատկանիշներով:
Պարզվում է՝ այս ընկերության կողմից իրականացված առաքումների ժամկետները գերազանցել են հայտարարված ժամկետները։ Որոշ մանրամասներ հայտնի դարձան: Այսպես, ՀՀ քաղաքացիներից մեկը (անունը չենք հրապարակում հարգելի պատճառներով), այս ընկերության գործելաոճի հետ կապված, ապրիլի 12-ին հաղորդում է ներկայացրել հանձնաժողով, ըստ որի՝ «Գլոբբինգ»-ի պաշտոնական կայքէջում հրապարակված է եղել գովազդ՝ «Ռուսաստանից Հայաստան՝ 5-10 աշխատանքային օր», այնուհետև նշվում է, որ եղանակային անբարենպաստ պայմանների հետևանքով Ռուսաստանից վերգետնյա առաքման ժամկետները հնարավոր է տատանվեն մինչև 5 աշխատանքային օր:
Բողոքող քաղաքացու խոսքով՝ փաստացի երբևէ նշված ժամկետները չեն պահպանվում, և դրանք հաճախորդներին մոլորեցնելու միջոց են: Բացի այս, հաղորդում ներկայացրած քաղաքացին հայտնել է, որ կայքում հրապարակված է եղել մեկ այլ՝ 2-4 աշխատանքային օրում ԱՄՆ-ից Հայաստան փոխադրում իրականացնելու վերաբերյալ գովազդ, սակայն իրականում այն կարող է տևել 10-ից ավելի: Ընկերությունն այս դեպքում նույնպես որևէ միջոցներ չի ձեռնարկում մոլորեցնող գովազդ չհրապարակելու ուղղությամբ: Թե ինչ կհայտնաբերվի հարուցված վարույթի արդյունքում, ցույց կտա ժամանակը, բայց նկատենք, որ սա առաջին դեպքը չէ, որ քաղաքացիները դժգոհում են «Գլոբբինգ»-ի խայտառակ գործելաոճից»:
Մանրամասները՝ թերթի համարում:

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
43119.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
41519.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
197116.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
147215.11.2026, 19:19
Խաղողագործներին փող չեն տալիս․ «Հրապարակ»
81114.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
185813.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
82212.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
220710.11.2026, 19:37