ՀՀ դատախազությունը խոստանում է հետևողական լինել
![]() 226 Երեքշաբթի, 16 օգոստոսի, 2022 թ., 20:36 «Սուրմալու» առևտրի կենտրոնում տեղի ունեցած պայթյունի առթիվ նախաձեռնված վարույթով քննությունը շարունակվում է Քննարկվել են նախաձեռնված քրեական վարույթի ընթացքը և միջանկյալ արդյունքները: Ելնելով օպերատիվ իրավիճակի վերաբերյալ հայտնված տեղեկատվությունից և քննարկման արդյունքներից՝ Երևան քաղաքի դատախազը տվել է կոնկրետ հանձնարարություններ քննության հիմնական ուղղությունների, ապացուցողական անհետաձգելի և մյուս գործողությունների, դրանց ծավալի վերաբերյալ: Նախաձեռնված վարույթի շրջանակներում իրականացվում են դեպքի բոլոր հանգամանքները, հատկապես պայթյունի առաջացման պատճառները, շինության կարգավիճակը, պարունակությունը, դրանց պահպանության իրավաչափության, տարածքում անվտանգության և հակահրդեհային կանոնների պահպանվածության վիճակը, պատասխանատու անձանց շրջանակը հստակեցնելու և նրանց գործողություններին իրավական գնահատական տալու ուղղությամբ անհրաժեշտ գործողություններ: Այսօր առավոտյան ժամը 10.30-ից քննիչների և փորձագետների կողմից սկսել է իրականացվել դեպքի վայրի մասնակի զննություն, որին ներկա են եղել նաև դատախազական խմբի դատախազները: Հաշվի առնելով, որ դեպքի վայրում դեռևս շարունակվում են հովացման, ինչպես նաև փրկարարական-որոնողական աշխատանքները, դեռևս հնարավոր չի դարձել մոտենալ հրդեհի և պայթյունի առաջացման առաջնային օջախին՝ պատճառներին վերաբերող տվյալների ձեռքբերման համար անհրաժեշտ գործողություններն իրականացնելու համար: Վերջինս կիրականացվի նշված տարածքում առաջնային միջոցառումներն ավարտվելուց, հնարավոր փլուզումների վտանգը չեզոքացնելուց և անվտանգության բավարար պայմաններ ապահովելուց անմիջապես հետո: Քրեական վարույթի շրջանակներում հարցաքննվել են շուրջ երկու տասնյակ անձինք, այդ թվում՝ տուժողներ և առևտրի կենտրոնում առևտրային գործունեությամբ զբաղվող տաղավարների սեփականատերեր: Այս գործընթացը շարունակվում է, քննության պլանավորմանը համապատասխան՝ հարցաքննվելու են նաև «Սուրմալու» տոնավաճառի տնօրինության ներկայացուցիչները և աշխատակիցները: Պահանջվել են տոնավաճառում գործունեություն ծավալող տնտեսվարող սուբյեկտների տնտեսություններին վերաբերող բոլոր տվյալները, առգրավվել են դեպքի վայրին հարակից տարածքում տեղակայված բոլոր տեսաձայնագրող սարքերը: Իրականացվում է փլատակներից դուրս բերված անձանց մարմինների ճանաչման, նույնականացմանն ուղղված աշխատանքներ: Նաև նշանակվել է դատապայթյունատեխնիկական, դատահրդեհատեխնիկական, դատաճարտարատեխնիկական, դատաշինարարատեխնիկական, դատաապրանքագիտական, դատաձայնագրային, և դատահամակարգչատեխնիկական համալիր փորձաքննություն: Ելնելով այսօրվա խորհրդակցության արդյունքներից՝ Երևան քաղաքի դատախազի կողմից խնդիր է դրվել նշանակելու նաև դատապայթյունատեխնոլոգիական փորձաքննություն: Քննության առարկա են բոլոր վարկածները: Այս համատեքստում մամուլում հրապարակված՝ պայթյունի պատճառների, հնարավոր վարկածների վերաբերյալ բոլոր՝ իրենց մեջ կոնկրետություն պարունակող հրապարակումները Երևան քաղաքի դատախազի կողմից ուղարկվել են նախաքննական մարմնին՝ դրանց արժանահավատությունը պարզելու, քննության առարկա դարձնելու նպատակով: Քննության ընթացքն ու ստացվող տվյալները սեղմ պարբերականությամբ զեկուցվում են ՀՀ գլխավոր դատախազին, որի կողմից տրվում են հանձնարարություններ: ՀՀ դատախազությունը հետևողական է լինելու լրիվ, բազմակողմանի և օբյեկտիվ քննության երաշխավորման, կատարված ողբերգության հանգամանքները լիարժեք բացահայտելու հարցում: |
«Եթե մեկ շաբաթ բոլոր իրական ընդդիմադիրները որևէ կերպ չարձագանքեն, ո՞ւմ էներգիայով է սնվելու չարը». Միքայել Բադալյան
9003:06«Հուսով եմ՝ Գաբարդը կշարունակի լինել հայության բարեկամը՝ նաև գործով»․ Գայանե Ասլամազյան
14702:12«Վաղվա հանրահավաքից վախենում է, որովհետև վախենալու բանից պետք է վախենալ». Էդգար Ղազարյան
14500:54«Երբ ունես իշխանություն պահելու դավաճանական գերլարում, հերթով պիտի վերացնես այն, ինչը քեզնից լավն է». Հովհաննես Իշխանյան
15100:48Վաղը Գյումրիում կրթելու է Աննա Հակոբյանը. բռնի մարդահավաքին ներգրավվել է նաև ՊԵԿ-ը
16200:36Ռուսաստանը դարձավ առաջին երկիրը, որ պաշտոնապես ճանաչեց Աֆղանստանի Իսլամական Էմիրությունը
291Երեկ, 23:46Օրենբուրգում ձերբակալվել է ադրբեջանցի քրեական հեղինակություն Զաուր Ահմեդովը
289Երեկ, 23:26Մոսկվայում ձերբակալվել է ադրբեջանցի ազդեցիկ օրենքով գող Վագիֆ Բակինսկին
187Երեկ, 23:09