«Իշխող ուժը պետք է հանդես գա բացատրություններով». Արմեն Խաչատրյան

Հայ ազգային կոնգրեսի ներկայացուցիչ Արմեն Խաչատրյանի գրառումը․ «Ավինյանի այն հայտարարությունը, թե ինքն աղետի վայրում է որպես քաղաքապետի թեկնածու, կարծում եմ՝ պետք է դիտարկել որպես սկանդալային հայտարարություն ու առնվազն պետք է իշխող ուժը հանդես գա բացատրություններով:

Եթե Ավինյանը թեկնածու ասելով նկատի ունի հերթական ընտրությունները, ապա տարօրինակ չէ՞ ընտրություններից մեկ տարի առաջ հայտարարել այդ մասին, կամ արդյո՞ք այդ հայտարարությունից հետո գործող քաղաքապետը չպետք է կորցներ աշխատելու մոտիվացիան: Այս դեպքում արդեն ակնհայտ է դառնում, որ այն խոսակցությունները, թե քաղաքն իրականում կառավարում է Ավինյանը, հիմնազուրկ չեն, ու գործող քաղաքապետը, փաստացի շախմատային «պեշկա» է, իսկ քաղաքային իշխանությունը, մեղմ ասած, ոչ օրինակարգ:

Իսկ եթե Ավինյանը նկատի ուներ արտահերթ ընտրութուններ, ապա սա մի այլ այլանդակ իրողության մասին է խոսում: Փաստորեն իշխանությունն ունի քաղաքական որոշում՝ անցկացնել Երևանի արտահերթ ընտրություններ, բայց դա անել բոլորի համար անակնկալ, այնպես, որ որևէ մեկը պատրաստ չլինի դրան ու թքած ունենալով ընտրույթունների մրցակցային, թափանցիկ անցկացնելու սկզբունքի վրա՝ սեփական թեկնածուին տալով մեծ առավելություն, լուծել Երևանում իշխանության խնդիրը:

Վոտ տակիե պեռագի, ինչպես կասեր էն կինոյի տղեն՝ ազատ ու արդար ընտրությունների մասին մեծ մեծ խոսալուց հետո»: