«Աշխարհում և տարածաշրջանում իրավիճակ է փոխվել»․ Տիգրան Դավուդյան

251

Կիրակի, 21 օգոստոսի, 2022 թ., 02:00

Իրանագետ Տիգրան Դավուդյանի գրառումը. «Իրան-ԱՄՆ հարաբերությունների նոր զարգացումներ։

Աշխարհում և տարածաշրջանում իրավիճակ է փոխվել. Ամերիկայի Միացյալ Նահանգները փորձում են էներգակիրների նոր աղբյուրներ գտնեն ընդդեմ Ռուսաստանի, և Իրանը հարմար այլընտրանք է, որի հանդեպ կարելի է զիջել և պատժամիջոցները մեղմացնել. Իրանի տնտեսությունը կքում է ամերիկյան պատժամիջոցների բեռան տակ և փրկության ելք է փնտրում, որի բանալին Վաշինգթոնում է.

Թեհրանն ամիսներ շարունակ իր գրավը դրեց Մոսկվայի վրա այն հույսով, որ Պուտինը կհաղթի Ուկրաինայում և Իրանի գործերն ավելի սահուն կընթանան, բայց հիմա փորձում է չափավորել իր պահանջները.

ԱՄՆ Կոնգրեսի միջանկյալ ընտրությունները մոտ են և նախագահ Բայդենի դիրքերը երեսուն են. Հանրապետականները սպառնացել են Կոնգրեսի մեծամասնությունը վերցնելու դեպքում Բայդենի որևէ հավանակ զիջում Իրանին՝ ի չիք դարձնեն, իրանցիներն էլ դա զգալով Վաշինգթոնից երաշխիքներ են ուզում. հրապարակված լուրերի համաձայն Իրանը հրաժարվել է իր հեղափոխական պահակազորի անունը պատժամիջոցների ցուցակից հանելուց, բայց պահանջում է մյուս պատժամիջոցների չեղարկում, էներգակիրների ազատ վաճառք, նավթի սառեցված գումարների ստացում և Ատոմային միջազգային գործակալության հետ հարաբերությունների կարգավորում։

Եվրոմիության ներկայացրած առաջարկի համաձայն, Իրանի հարստացրած հավելյալ ուրանը կտեղափոխվի Ռուսաստան, հազարավոր սանտրիֆուգերը կապամոնտաժվեն և կպահվեն Իրանում, Թեհրանը իր սառեցված գումարներից կստանա յոթանասուն միլիարդ ԱՄՆ դոլար և հառաջիկա 120 օրվա ընթացքում իրավունք կունենա վաճառել հիսուն միլիոն տակառ նավթ։

Ամերիկյան պատժամիջոցների կրկնվելու դեպքում, Վաշինգթոնը խոստանում է բացառել եվրոպական ընկերություններին»:

Աղբյուրը` Տիգրան Դավուդյան