«Կառավարությունը չի կարող իր վրա վերցնել տնտեսվարողների փոխհատուցման ֆունկցիան, որը պետք է աներ ապահովագրական ընկերությունը»․ Քերոբյան

Այսօր՝ լրագրողների հետ ճեպազրույցում, էկոնոմիկայի նախարար Վահան Քերոբյանը, անդրադառնալով «Սուրմալու» առևտրի կենտրոնում տեղի ունեցած պայթյունի հետևանքով տուժած տնտեսվարողներին փոխհատուցում տրամադրելու վերաբերյալ հարցին, ասաց․ «Եթե գործարարները ապահովագրած լինեին իրենց տարածքը, գույքը, բնականաբար այս դեպքում հատուցելի կլիներ, Կառավարությունը չի կարող իր վրա վերցնել փոխհատուցման ֆունկցիան, որը պետք է աներ ապահովագրական ընկերությունը»։

«Եթե գործարարը չի համարել էդ ռիսկը մեծ, ապա էստեղ Կառավարությունն անելիք չունի»,- հավելեց նա։