Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Բերձորը հանձնվում է հենց այն օրը, երբ 1071թ. թուրքերն առաջին անգամ ամրապնդվեցին Հայաստանում.»․ Վահե Գրիգորյան

«Բերձորը հանձնվում է հենց այն օրը, երբ 1071թ. թուրքերն առաջին անգամ ամրապնդվեցին Հայաստանում.»․ Վահե Գրիգորյան
245
Շաբաթ, 27 օգոստոսի, 2022 թ., 00:24

Սահմանադրագետ Վահե Գրիգորյանի գրառումը․ «Անգամ Բերձորի (Լաչինի) հանձնման օրն է, որ երկու սիմվոլ ունի. եթե ռեգիոնալ առումով այն համընկնում է Բաքվի բռնապետի կնոջ ծննդյան օրվա հետ, ապա թյուրքական աշխարհի ու հատկապես Թուրքիայի համար սա առանձնահատուկ օր է այլ պատճառով:

1071թ. հենց այս օրը սելջուկ-թուրքերը Մանազկերտի ճակատամարտում հաղթեցին Բյուզանդական բանակին և նրան աջակցող Հայ կամավորներին ու դրանից հետո առ այսօր տեղավորվեցին Հայկական լեռնաշխարհում և Փոքր Ասիայում:

Մանազկերտի հաղթանակի շնորհիվ միայն թուրքերը կարողացան տիրանալ Հայկական լեռնաշխարհի մեծ մասին ու Առաջավոր Ասիայում ստեղծել տարածաշրջանի առաջին թուրքական պետությունը՝ Իկոնիայի սուլթանությունը, որի հիմքերի վրա էլ պետք է ստեղծվեր Օսմանյան կայսրությունը, ապա և Թուրքիայի հանրապետությունը:

Այնպես որ, իմացեք, որ Բերձորը հանձնվում է հենց այն օրը, երբ 1071թ. թուրքերն առաջին անգամ ամրապնդվեցին Հայաստանում. Մեհրիբանի ծննդյան օրն ուղղակի 2-ը մեկում համադրելու արդյունքն է՝ բացառապես ներքին լսարանի համար:

Ու ամենացավալին այն է, որ սրա մասին առաջինը կարծես թե խոսում եմ Ես, որովհետև մնացածը կա՛մ չգիտեն, կա՛մ էլ չեն ուզում հենց այս՝ իրական հանգամանքը բացահայտել, թե ինչու, թող իրենք պատասխանեն»:

Աղբյուրը`   Վահե Գրիգորյան