«Ձեր ուզածն ի՞նչ է, որ ռուսնե՞րը մեր փոխարեն բանակցեն». Տիգրան Գրիգորյան

Քաղաքագետ Տիգրան Գրիգորյանը ֆեյսբուքյան իր էջում գրել է. «Ես խիստ բացասական եմ վերաբերվում Վիտալի Բալասանյանի գործունեությանը 2018 թվականից հետո։ Մինչև 2018 թվականը ևս երբեք նրա կողմնակիցը չեմ եղել։ Այնուամենայնիվ, այն իռացիոնալ ու էմոցիոնալ արձագանքը, որի ականատեսն ենք դառնում ամեն անգամ, երբ Բալասանյանն ինչ-որ ադրբեջանցի պաշտոնյայի հետ հանդիպում կամ բանակցություններ է անցկացնում, շշմեցնող է։ Հարգելինե՛րս, ձեր ուզածն ի՞նչ է։ Որ Արցախի կենսական խնդիրների շուրջ Արցախի իշխանությունները չբանակցե՞ն։ Ռուսնե՞րը մեր փոխարեն բանակցեն։ Այս անբովանդակ պաթոսն ու դեմագոգիան է մեզ այս անմխիթար վիճակին հասցրել»։