«Աղդամի շրջանում տարհանում չէր իրականացվել. ադրբեջանցիները ծեծել էին բնակիչներին». Հայկ Խանումյան

«Այս պահին Աղավնոյում, Բերձորում, Ներքին Սուսում քաղաքացիական բնակչություն չկա»,- այս մասին «Օր հարցազրույց» հաղորդման ժամանակ ասել է Արցախի Տարածքային կառավարման և ենթակառուցվածքների նախարար Հայկ Խանումյանը: «ԱԽ նիստում քննարկվել էր իրավիճակը, ըստ որի՝ այս երեք բնակավայրերի գլխին իրական վտանգ կա միջանցքի տեղափոխման հետ կապված. նման պայմաններում իրականացվում է բնակչության տարհանում, ուրիշ կարծիք չի կարող լինել»,- պարզաբանել է նա՝ հավելելով, որ 2020 թվականի նոյեմբերի 9-ից հետո Աղդամի շրջանի որոշ բնակավայրերում չէր իրականացվել տարհանում, որի պատճառով ադրբեջանցիները ծեծել և ստորացրել են բնակիչներին. «Մինչև էսօր պետական որևէ կառույց պատասխանատվություն չի կրել՝ այդ մարդկանց տարհանումը չկազմակերպելու համար»,- նշել է պաշտոնյան: