«Իրենք կարդացե՞լ են այն կուսակցության ծրագիրը, որի անունից հանդես են գալիս». Ոսկան Սարգսյան

Լրագրող Ոսկան Սարգսյանի գրառումը․ «Համայնքներում անցկացվող ավագանու համամասնական ընտրություններում ավագանու թեկնածուները ներկայացնում են տարբեր կուսակցություններ և դաշինքներ: ՀՀ սահմանադրությունը երաշխավորում է բոլոր քաղաքացիների համար հավասար իրավունքներ, սակայն ՏԻՄ ընտրություններում այդ իրավունքը խախտվում է, քանի որ ոչ կուսակցական քաղաքացին ինքնաառաջադրվելու իրավունք չունի: Փոքրիկ Հայաստանում բազում կուսակցությունները, նրանց կրկնվող, ճոռոմ ծրագրերը ոչ մի օգուտ չեն տալիս Հայաստանի քաղաքական զարգացմանը։ Բազմահազար ընտրողներից ո՞վ է կարդում կուսակցությունների ծրագրերը, կամ՝ որ կուսակցություն է իր ծրագրի նպատակներին համապատասխան գործում։ Հարցրեք համայնքների ավագանու թեկնածուներին՝ իրենք կարդացե՞լ են այն կուսակցության ծրագիրը, որի անունից հանդես են գալիս։ Անունը դրել են ժողովրդավարություն, իրականում թայֆականությունը շարունակվում է»: