«Հայաստանի ներսի հարայ-հրոցը չի ամրացնում մեր պետականությունը, մեզ շարունակում են բզկտել»․ Մարուքյան

«Հայաստանի ներսի հարայ-հրոցը չի ամրացնում մեր պետականությունը, մեզ շարունակում են բզկտել»,-այս մասին 24TV-ի «Հարցազրույց Կարպիս Փաշոյանի հետ» հաղորդման եթերում նշել է Հատուկ հանձնարարություններով դեսպան, ԼՀԿ նախագահ Էդմոն Մարուքյանը։

«Հայաստանը գտնվում է բավականին ծանր աշխարհաքաղաքական իրավիճակում և դրսի և ներսի մարտահրավերներին դիմակայելու համար անհրաժեշտ է, որ պետությունը դրսից անառիկ ամրոց դառնա, իսկ ներսում տիրապետող լինեն ժողովրդավարությունն ու ազատությունը»,- համոզմունք է հայտնել Մարուքյանը։

Հատուկ հանձնարարություններով դեսպանի կարծիքով, սա է այն միջոցը, որը կզրկի Ադրբեջանին ագրեսիայի անցնելու հնարավորությունից։

«Մենք պետք է ամրացնենք մեր դիրքերն ու սահմանները, որ Բաքուն գործողությունների անցնելուց առաջ հստակ իմանա, որ անդառնալի կորուստներ է ունենալու»,- ասել է բանախոսը։

Մանրամասները՝ տեսանյութում