«Մինչ Մեծ Բրիտանիան մանրադրամներն է հաշվում, մենք հաշվում ենք զոհերին». Ելենա Զելենսկայա

Ուկրաինայում պատերազմի տնտեսական հետևանքները մեծ վնաս են հասցնում նրա դաշնակիցներին, այս մասին ասել է Ելենա Զելենսկայան՝ հավելելով, որ եթե Ուկրաինային աջակցությունն ուժեղ լիներ, ճգնաժամն ավելի կարճ կտևեր։ «Ես հասկանում եմ, որ իրավիճակը շատ ծանր է: Ուկրաինայում նույնպես գները բարձրանում են, բայց մեր ժողովո՛ւրդն է մահանում։ Այնպես որ, երբ դուք սկսում եք հաշվել ձեր կոպեկները՝ բանկային հաշվին կամ գրպանում, մենք նույնն ենք անում և հաշվում ենք մեր կորուստները»,- հավելել է Ուկրաինայի նախագահի կինը: