«Ազատիչը որոշել է փուռը տալ դաշնակներին». Լյովա Եղիազարյան

«Հանրապետություն» կուսակցության անդամ Լյովա Եղիազարյանի գրառումը. «Ընդդիմության մեջ շունը տիրոջը չի ճանաչում։ Հոշոտում են իրար։ Այդպես էլ պետք է լիներ, քանի որ լիդերության խնդիր կա, վարչապետի թեկնածուի խնդիր կա: Դրան գումարած անվերջ պարտություններն իրար վրա գցելը։

Հանրապետական Աշոտյանն իր մեկ ժամյա մենախոսության մեջ մեղադրում է դաշնակցությանը, չնայած անուն չի տալիս, ժամանակին Սերժին մենակ թողնելու, այնուհետև հանրապետականին շարժման վրա ազդեցությունից զրկելու փորձի մեջ։

Նույնը մեկ-երկու օր անց կրկնեց Հայկ Մամիջանյանը։ Ագնեսա Խամոյանը մեղադրեց հանրապետականի պրոյեկտ Էդգարին իշխանության հետ համագործակցման մեջ:

Մի խոսքով կենացները քաղցրանում են Ազգային ժողովի նստաշրջանին ընդառաջ և հարաբերություններն ավելի կսրվեն նիստերին մասցնակցել-չմասնակցելու շուրջը: Ազատիչը վերջնականապես որոշել է փուռը տալ դաշնակներին, որը նրա մոտ ինսունականներին ստացվել է»: