«Վախենալն օգտակար դիրքորոշում չէ». Փաշինյանը՝ Արևմուտքի կողմից սանկցիաների ենթարկվելու հարցի վերաբերյալ

Վլադիվոստոկում ընթացող Արևելյան տնտեսական ֆորումի ժամանակ ՀՀ վարչապետ Նիկոլ Փաշինյանին ուղղված հարցին, թե արդյոք չի՞ վախենում, որ ՌԴ-ի հետ հարաբերությունների ինտենսիվացման ֆոնին հնարավոր է Հայաստանը սանկցիաների ենթարկվի Արևմուտքի կողմից, վարչապետը պատասխանում է. «Վախենալը օգտակար դիրքորոշում չէ, պետք է աշխատել, որպեսզի կառավարել այդ վտանգները: Իհարկե, մենք ևս մեծապես անհանգստացած ենք պարենային, էներգետիկ անվտանգության համար։ Մեզ մոտ էլ բարձր գնաճ կա, որն ուղղակիորեն ազդում է սոցիալական վիճակի վրա։ Բայց, ընդհանուր առմամբ, իրավիճակը կառավարելի է։ Խնդիրը կա, բայց ճգնաժամային իրավիճակ չկա: Եվ սա նաև Ռուսաստանի Դաշնության աջակցության շնորհիվ է»: