Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Ի սեր Աստծո, թող աշխատեն». Պուտինը՝ Հայաստան տեղափոխված ռուս միգրանտների մասին

«Ի սեր Աստծո, թող աշխատեն». Պուտինը՝ Հայաստան տեղափոխված ռուս միգրանտների մասին
299
Չորեքշաբթի, 07 սեպտեմբերի, 2022 թ., 15:42

«Եթե որևէ մեկին դուր է գալիս աշխատել Հայաստանում, խնդրեմ: Հայաստանը մեզ հմար օտար պետություն չէ»,- Վլադիվոստոկում հայտարարել է ՌԴ նախագահ Վլադիմիր Պուտինը՝ պատասխանելով հարցին, թե ինչպե՞ս է Ռուսաստանը վերաբերվում ռուս միգրանտներին, որոնք տեղափոխվել են Հայաստան:

«Մենք ողջունում ենք այն ամենը, որը օգուտ է տալիս Ռուսաստանի բիզնեսին: Եթե պայմաններն այնպիսին են, որ մարդկանց ավելի ձեռնտու և հանգիստ է աշխատել Հայաստանում, ի սեր Աստծո, թող աշխատեն, ոչինչ չի խանգարում»,- ասել է նա:

ՌԴ նախագահը նշել է, որ Ռուսաստան գնացած հայերի թիվն այս տարի անհամեմատ ավելի մեծ է՝ շուրջ 2 մլն մարդ։

Փաշինյանն էլ արձագանքել է, որ նման մեծ թիվն իրեն չի զարմացնում. «Ոչ մի նոր բան չկա դրանում, որ հայերը ՌԴ են մեկնում՝ աշխատելու»,– ասել է նա։