«Հայկ Մարությանին մրցակից համարո՞ւմ եք». լրագրողները՝ Ավինյանին

Երևանի ավագանու հաջորդ նիստին «Քաղաքացիական պայմանագիր» խմբակցության կողմից Տիգրան Ավինյանը կներկայանա որպես Երևանի քաղաքապետի տեղակալի թեկնածու, այս մասին օրեր առաջ հարցազրույցներից մեկում հայտնել էր Երևանի ավագանու «Լույս» խմբակցության ղեկավար Դավիթ Խաժակյանը: «Ժամանակը կգա՝ հայտարարությունը կլինի, պատեհ առիթով էլ կհասցնենք խոսել»,- այսօր՝ լրագրողների հետ զրույցում ասել է ՀՀ նախկին փոխվարչապետ, «Քաղաքացիական պայմանագիր» կուսակցության վարչության անդամ Տիգրան Ավինյանը: Հարցին՝ քաղաքապետի ապագա ընտրություններում Հայկ Մարությանին մրցակից համարո՞ւմ է, նշել է, որ քաղաքապետարանի հետ կապված ոչինչ չի ցանկանում մեկնաբանել: Ինչ վերաբերում է Մարությանի նկատմամբ նախապատրաստվող նյութերին՝ ասել է. «Կշարունակեմ չմեկնաբանել այդ հարցերը»: