«1000 անգամ ասվեց». Լևոն Բարսեղյան

«Ասպարեզ» մամուլի ակումբի նախագահ Լևոն Բարսեղյանի գրառումը. «1000 անգամ ասվեց, որ տեսանյութեր ու ֆոտոներ, տեղորոշիչ կամ տեղորոշմանն օգնող տեղեկություն (տեքստ, ֆոտո, վիդեո և այլն) չի կարելի հրապարակել, չի կարելի, որովհետև դրանք ուղղակի կամ անուղղակի կերպով օգնում են թշնամուն, թույլ են տալիս հասկանալ իրենց գործողությունների արդյունավետութունը, ճշգրտությունը, ճշգրտելու հնար են տալիս և այլն: Իհարկե, ունեն դիտարկման այլ եղանակներ ևս, բայց սա մանրուք չէ: Պատերազմում մանրուքներ չկան: Անկախ այն հանգամանքից հասկանում է դա հրապարակողը թե ոչ՝ չի կարելի է: Ով էլ լինի հրապարակողը, բացառությամբ այն դեպքերի, երբ իշխանությունն է ինչ-ինչ նպատակով ինչ որ բան հրապարակում:

Ասածս ինչ է՝ ի՞նչն է խանգարում ԱԺ-ին Քրեական օրենսգրքում քրեական պատասխանատվություն սահմանել նման դեպքերի համար: Է՞լ ինչ պիտի լինի, որ այդ պատասխանատվությունը սահմանվի: Չեմ ուզում թունդ խոսքեր ասել, տեղն ու ժամը չէ, բայց ո՞վ կարող է ԱԺ-ի փոխարեն այդ լրացումն անել օրենքում, ասացե՛ք խնդրեմ: Խորհրդարանակա՛ն ընդդիմություն, ուրիշ օրակարգ չունե՞ք բացի հրաժարականը, գնացեք ԱԺ, առաջարկեք անել, տեսեք դրա համար ձեզ ով է քրֆելու: Ք՛Պ ականավոր պատգամավորներ, ինչո՞ւ չեք անում, ասացե՛ք հասկանանք, գիտեմ, որ կարդում եք»: