«Այսինքն՝ թշնամու զինված խումբը շրջափակվել է՝ ո՛չ ոչնչացնում ենք, ո՛չ գերեվարում, այլ թույլ ենք տալիս, որ հեռանա՞ն». Մենուա Սողոմոնյան

«5165 շարժում» կուսակցության քարտուղար Մենուա Սողոմոնյանը ֆեյսբուքյան իր էջում գրել է․ «Պատկերացնո՞ւմ եք։ Թշնամու զինված խումբը մեր կողմից շրջափակման մեջ է, ու ԳՇ պետը խոսում է նրանց հեռացնելու մասին, այսինքն՝ մխրճվել են մեր տարածք, շրջափակվել են, ու ո՛չ ոչնչացնում ենք, ո՛չ գերեվարում ենք, այլ թույլ ենք տալիս, որ հեռանա՞ն... ինչքան փորձում եմ ռացիոնալ բացատրություն գտնել, հանգում եմ մեկ տարբերակի՝ դիմացն Ադրբեջանի կողմից ինչ-որ համարժեք զիջում է արվում, օրինակ՝ առնվազն նույն թվով հայ ռազմագերիներ, ուստի պահանջում եմ բացատրություն։ Եթե այս տրամաբանության մեջ չէ, ապա ձեռքս չի գնա գրեմ, թե ինչ է ՀՀ ԶՈՒ ԳՇ պետը»։