«Այո՛, թեմայի մեջ եմ, պայքարի մեջ եմ». Ռոբերտ Քոչարյան
![]() 743 Երեքշաբթի, 20 սեպտեմբերի, 2022 թ., 14:06 «Բավականին երկար ժամանակ հանդիպումներ, հարցազրույցներ չեմ ունեցել ու ենթադրում եմ՝ կարող էր տպավորություն ստեղծվել, որ մի կողմ եմ քաշվել ու չեմ զբաղվում ակտիվ քաղաքակությամբ»,- քաղաքացիների հետ երեկվա հանդիպման ժամանակ հայտարարել է ՀՀ երկրորդ նախագահ Ռոբերտ Քոչարյանը՝ պարզաբանելով պատճառը: «Երբ մշակվում էր «Դիմադրություն» շարժման ծրագիրը, ճանապարհային քարտեզը, մենք տարբեր քննարկումներ էինք անցկացնում և՛ պատգամավորների հետ, և՛ լայն շրջանակներում: Հարց կարող է առաջանալ՝ ինչո՞ւ Դուք հարթակում չէիք, առաջնորդի դրոշը Ձեր ձեռքին չէր: Առաջնորդի պարտավորությունն է՝ ճիշտ գնահատել իրավիճակը, հետևություններ անել կուտակած փորձից ու ճիշտ քայլերով առաջ շարժվել: Ընտրություններից հետո վերլուծեցինք արդյունքների պատճառները, հիմա մեր գնահատականով առաջին պատճառը եղել է հետևյալը՝ բախվեցին արժանապատիվ խաղաղություն թեզը և խաղաղություն՝ ամեն գնով թեզը, և արժանապատիվ խաղաղությունը մեր բնակչության մի զգալի մասին ուղղակի վախեցրեց. իմ կերպարը, ղարաբաղյան անցյալը, պատերազմում հաղթանակ կրող առաջնորդի կերպարը վախեցրեց ժողովրդի մեծ զանգվածի, որ կգա ինչ-որ թասիբով, կփորձի ազգային արժեքների համար պայքարել, ինչը կարող է մեր գլխին ևս մեկ պատերազմ բերել»: Քոչարյանի խոսքով՝ ագրեսիայի դեպքում վախն ամենից հզոր բնազդն է ու կա երեք տարբերակ՝ արձագանքելու հարձակմանը. «Պայքարել, փախնել, ենթարկվել կամ ձևանալ, թե մահացած ես: Եվ սա ազդեցություն ունեցավ ժողովրդի պահվածքի վրա: Երկրորդ հանգամանքը եղել է ռևանշիստներ, ղարաբաղցի, հայաստանցի, հին ու նոր, որը սնվում էր երկար տարիներ և որոշակի հետք է թողել: Երբ մենք սկսում էինք «Դիմադրության» շարժում, այս գնահատականն ունենալով՝ որոշումը հետևյալն էր. փորձել այդ վախը չեզոքացնել՝ իմ կերպարն առաջին գիծ չունենալու ճանապարհով ու նաև չառաջացնել հների, նորերի արհեստական թեզի վերակենդանացում: Այս գործոնները չեզոքացնելու համար ես՝ որպես ՀՀ քաղաքացի մասնակցել եմ երթերին, բայց առաջնորդի դերը չեմ տարել»: Նրա խոսքով՝ շարժումը վերջնական նպատակին չի հասել, բայց ՀՀ պատմության մեջ առաջին անգամ այդպիսի զանգվածով, երկարատև կազմակեպված շարժում է եղել: «Ես ոչ մի տեղ չեմ գնացել, ուղղակի փորձել ենք այլ գործիքակազմով մասնակցել այս ամեն ինչին... հիմա փորձելու ենք վիճակը գնահատել և արագ ենք դա անելու... Այո՛, թեմայի մեջ եմ, պայքարի մեջ եմ, առաջնորդելու ենք պայքարը»,- եզրափակել է Ռոբերտ Քոչարյանը: |
«Գազան կրակների մեջ է». Իսրայելի ՊՆ
5511:20«Ինչ ուզում են անեն, ես վախեցողներից չեմ»․ Վարդան Ղուկասյան (տեսանյութ)
5911:12«Մենք այդքան խելք չունենք, որ փամփուշտ էլ չենք կարող արտադրե՞լ»․ Վարդան Ղուկասյան (տեսանյութ)
6811:00«Եթե ժամանակին այդ ճանապարհը բացեինք, այսօր Ղարաբաղն իր տեղում կլիներ»․ Սամվել Բաբայան (տեսանյութ)
19510:42«Թրամփը հաջորդ շաբաթ կարող է հանդիպել Զելենսկու հետ». Ռուբիո
10510:33«Օրեր առաջ ողբերգական պատկերի ականատես եղա». Լիլիթ Գալստյան
12010:18«Երկրի պաշտպանության համար մարտեր մղած ու զոհված մարդիկ իշխանության համար փակված էջ են»․ Տիգրան Աբրահամյան
13909:48Իսրայելը լայնածավալ հարձակման է անցել Գազայում (տեսանյութ)
18309:41