«Էդ փողով գնված զենքն Ալիևը դրել է գլխներիս, ասում է՝ Քոչարյանին տվեք վլաստը, թե չէ կհարձակվեմ». Արթուր Դանիելյան

«Ադեկվադ» միաբանության հիմնադիր Արթուր Դանիելյանը ֆեյսբուքյան իր էջում գրել է. «Հետաքրքիր փաստ՝ Լևոն Տեր-Պետրոսյանը՝ «մութ ու ցուրտ» տարիներով, «թալանով», բանով... Ռոբերտ Քոչարյանին ժառանգեց ռազմական բյուջե, որն Ադրբեջանին զիջում էր ընդամենը 30 միլիոն դոլարով: Իսկ, տնտեսական բում ապահոված, շինարար, հերոս՝ Ռոբերտ Քոչարյանը Սերժ Սարգսյանին ժառանգեց ռազմական բյուջե, որը զիջում էր ադրբեջանականին ավելի քան մեկ ՄԻԼԻԱՐԴ դոլարով... հետն էլ դե ժառանգեց՝ բանակցային գործընթացից դուրս մնացած Արցախ, Մադրիդյան սկզբունքներ ու 10 դիակ մարտի 1-ին: Հալալ ա, ինչ խոսք...

Հիմա էլ ասում ա՝ եկեք բանակցողին փոխենք, որ Ալիևին զսպենք՝ վկայակոչելով իր տարիների «հաջողությունները»: Նա անշուշտ թույն բանակցող է. էլ ո՞վ կկարենար նենց բանակցեր, որ Բաքու-Թբիլիսի-Ջեյհանի կառուցման գլխավոր հսկողները հայեր լինեին ու նույն շրջանում պաշտոն ստանային Հայաստանում: Նենց լավ են պրոցեսը հսկել, որ Ալիևը հիմա իրեն կարող է թույլ տալ ցանկացած շռայլություն: Էդ փողով գնված զենքն Ալիևը դրել է գլխներիս, ասում է՝ Քոչարյանին տվեք վլաստը, թե չէ կհարձակվեմ: Համենայն դեպս էդպես է ստացվում Քոչարյանի խոսքերից»: