«Քրեական օրենսգրքի միաժամանակ երկու հոդվածով դու ենթակա ես դատապարտման». Գևորգ Պետրոսյան

ԱԺ նախկին պատգամավոր Գևորգ Պետրոսյանը ֆեյսբուքյան եթերում անդրադարձել է ՔՊ-ական պատգամավոր Վահագն Ալեքսանյանի երեկվա հայտարարությանը: «Թափառախումբն անցնում է բոլոր սահմանները: Արա՛, է՛յ, դու ամոթ չունե՞ս, ա՛յ տղա, ա՛յ վարազի արտաքինով անձնավորություն: Դու էլ իբր համարվում ես ԱԺ պատգամավո՞ր: Դու Քրեական օրենսգրքի միաժամանակ երկու հոդվածով ենթակա ես դատապարտման: Պետական դավաճանության հանցակազմը սկսվում է հենց այդպես՝ թշնամու կողմն անցնելով, երբ ասում ես՝ Գորիս-Կապան ճանապարհը ՀՀ տարածք չէ: Դու ո՞նց չես ամաչում, երբ մտնում ես տուն, հայաթ, խայտառակ չեն անո՞ւմ քեզ՝ քո հայտարարությունների համար»,- ասել է Պետրոսյանը: Նա հորդորել է ԱԱԾ-ին ու Դատախազությանը՝ գնալ պատգամավորի հայտարարության հետքերով: