Զախարովան՝ Բաքվին և Երևանին հաշտեցնելու «միակ ճանապարհի» մասին

Բաքվի և Երևանի հաշտեցման, տարածաշրջանում կայուն խաղաղության և երկարաժամկետ կայունության հաստատման միակ բանալին Ռուսաստանի, Ադրբեջանի և Հայաստանի ղեկավարների եռակողմ հայտարարությունների ամբողջական իրականացումն է, ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

Նրա խոսքով, «ռուսական կողմը կանոնավոր կապեր է պահպանում այդ հարցով ադրբեջանցի և հայ գործընկերների հետ»: Այս առումով, ընդգծել է Զախարովան, Մոսկվան ակնկալում է օգտվել Աստանայում ԱՊՀ երկրների նախարարների խորհրդի շրջանակներում առաջիկա իրադարձություններից։