««Զանգեզուրի միջանցքի» հետ կապված որևէ խնդիր չեմ տեսնում». Էրդողան

«Զանգեզուրի միջանցքի» հետ կապված որևէ խնդիր չեմ տեսնում, «Անադոլու»-ի փոխանցմամբ, հայտարարել է Թուրքիայի նախագահ Ռեջեփ Էրդողանը՝ պատասխանելով լրագրողի այն հարցին, թե արդյոք Պրահայի հանդիպմանը «Զանգեզուրի միջանցքը» քննարկվել է և «հանդիպումից հետո Փաշինյանը կարո՞ղ է համոզել իր երկրի հանրությանը այս հարցում»։

«Մենք այնտեղ [Պրահայում ] նեղ հանդիպում ունեցանք, այդ նեղ շրջանակում կային Փաշինյանը, ինչպես նաև Իլհամ բեյն ու Հունգարիայի վարչապետ Օրբանը։ Դրանից հետո, իհարկե, մենք ևս մեկ հանդիպում ունեցանք և իհարկե մենք քննարկել ենք այդ հարցերը, բայց Զանգեզուրի միջանցքի հետ կապված որևէ խնդիր չեմ տեսնում»,- հայտարարել է Էրդողանը՝ առանց մանրամասներ նշելու, փոխանցում է «Ազատություն»-ը: