«Իրանը հուշում է, որ պատրաստ է մեզ օգնել, բայց այսօրվա իշխանությունները նայում են դեպի Արևմուտք»․ Արթուր Խաչիկյան

ԱՄՆ-ի Սթենֆորդի համալսարանի քաղաքագիտության դոկտոր Արթուր Խաչիկյանը 5-րդ ալիքին տված հարցազրույցում խոսել է ԵՄ դիտորդների տեղակայման մասին․ «Եթե Ադրբեջանը ցանկանա լայնածավալ հարձակում սկսել Հայաստանի վրա, դիտորդները ոչնչով դա կանգնեցնել չեն կարող, նրանք կարող են ուղղակի զեկուցել, որ սկսվել է լայնածավալ հարձակում, և Եվրոպան ինչ-որ բարոյական կամ քաղաքական ճնշում կգործադրի Ադրբեջանի վրա, բայց մենք գիտենք, որ դա էլ չի կանգնեցնի Ադրբեջանին»։

Քաղաքագետն անդրադարձել է նաև Հայաստան-Իրան հարաբերություններին․ «Այսօրվա իշխանությունները արևմտամետ են և չեն ուզում որևէ խնդիր ունենալ ԱՄՆ հետ, նրանք հավատում են, որ Արևմուտքը, Փելոսին, Մակրոնն են մեր փրկիչը, այդ պատճառով մենք չենք զարգացնում մեր հարաբերությունները Իրանի հետ, որ գոնե զինամթերք ձեռք բերենք։ Իրանը ամեն ձևով հուշում է, որ պատրաստ է մեզ օգնել, բայց քանի որ մենք նայում են դեպի Փարիզ, Բրյուսել, Բեռլին և Վաշինգթոն, դա չենք անում և զրկվում ենք մեր դաշնակցից։ Այս մոտեցումը կործանարար է, քանզի Արևմուտքը Հայաստանին լուրջ օգնություն չի տրամադրելու»։