«Այս հոդվածով հանվելու է ռուսական 102-րդ ռազմաբազան»․ Նաիրա Զոհրաբյան

862

Երեքշաբթի, 25 հոկտեմբերի, 2022 թ., 16:06

ՀՀ արդարադատության նախարարությունը հանրային քննարկման է ներկայացրել Քրեական օրենսգրքում լրացումներ կատարելու մասին օրենքի նախագիծ, ըստ որի, ՀՀ ինքնիշխանությունից հրաժարվելուն ուղղված գործողությունները և հրապարակային կոչերը կպատժվեն 12-15 տարի ժամկետով: «Ես ապշած եմ, երբ լուրջ քաղաքագետներ վերլուծում են և ասում, որ Նիկոլը ինքը իր դեմ հոդված է բերում, ո՛չ, այս հոդվածը ներառվելու է Քրեական օրենսգրքում, սա 102-րդ ռուսական ռազմաբազան Հայաստանից հանելու համար է, որ Նիկոլը մեկ-երկու սադրանք կազմակերպի և ասի, որ ռուսական բազայի գոյությունը վտանգում է ՀՀ ինքնիշխանությունը։ Եթե Ռուսաստանը խաղաղապահներին ու ռազմաբազան հանեց, դա լինելու է ցեղասպանություն»,- ասել է ԱԺ նախկին պատգամավոր Նաիրա Զոհրաբյանը՝ հավելելով, որ ինքը չի թերագնահատում ԵՄ դիտորդական առաքելության դերը, բայց նրանք քաղաքացիական անձինք են, և բնականաբար, դա չի կարող փոխարինել ռուս խաղաղապահների ներկայությունը։