«Չեմ բացառում, որ որոշ ժամանակ անց ՀՀ իշխանությունները ձևացնեն, թե սա թյուրիմացություն էր». Զատուլին

ՌԴ պետդումայի պատգամավոր Կոնստանտին Զատուլինն Aif-ին տված հարցազրույցում անդրադառնալով Հայաստան իր մուտքի արգելքի որոշմանը, ասել է. «Ես ամենևին չեմ բացառում, որ երկուշաբթի, երբ Սոչիում տեղի ունենա եռակողմ հանդիպումը, Նիկոլ Փաշինյանը կապացուցի, որ հիմքեր ուներ իմ մուտքն արգելելու վերաբերյալ։ Բայց ես նաև չեմ բացառում, որ որոշ ժամանակ անց, ինչ-որ համաներման տեսքով, Հայաստանի իշխանությունները ձևացնեն, թե դա թյուրիմացություն էր։ Նրանք հենց սկզբից դրել են նման սցենար, քանի որ իմ անցանկալի լինելու մասին հայտարարությունը ստորագրել է մի անձ, ով չունի նման լիազորություն»: