«Հակառակորդը 130 քառակուսի կմ և ավելի տարածք է օկուպացրել»․ ԶՈՒ ԳՇ պետ

«Կա հաշվարկի տարբեր մեթոդներ․ եթե հաշվարկները կատարվում են հակառակորդի առաջնագծից մեր համապատասխան խորություններում, որտեղ հակառակորդը հաջողություն է ունեցել և օկուպացրել մեր ինքնիշխան տարածքից, ապա դա կազմում է մոտ 130 և որոշակի ավելի տարածք. այսինքն 127 թիվը մոտ է իրականությանը»,- ԱԺ-ում լրագրողների հետ զրույցում նշեց ԶՈՒ գլխավոր շտաբի պետ Էդվարդ Ասրյանը՝ պատասխանելով հարցին, թե որքան տարածք է օկուպացրել հակառակորդը:

«Կան դիրքեր, երբ հակառակորդը գտնվում է մեր պետական սահմանից հետ, կան դիրքեր, երբ հակառակորդը գտնվում է մեր պետական սահմանից առաջ, այդպիսի մի քանի ուղղություներ կան։ Նման պարագայի հաշվարկի դեպքում առաջանում են հաշվարկային տարբերություններ։ 130 կմ տարածքային կորուստը մենք հաշվում եմ 2020թ-ի ռազմական գործողությունների ավարտից հետո, բայց կան այլ կազմակերպություններ, որոնք ավելի ցածր թվեր են ներկայացնում»,- ասաց Էդվարդ Ասրյանը։