«Հայաստանը պետք է զարգացնի կապերը Մոսկվա-Թեհրան առանցքի հետ». Էդուարդ Շարմազանով

ՀՀԿ ԳՄ անդամ Էդուարդ Շարմազանովի ֆեյսբուքյան գրառումը. «Իրանի նախագահը Փաշինյանին հստակ հասկացրեց՝ Արևմուտքը տարածաշրջանային խնդիրների լուծման մեջ անելիք չունի։ Այսինքն՝ Իրանը պարզ ասում է՝ Փաշինյա՛ն, Արևմուտքի հետ հերիք է դու ու Ալիևը «խաղեր տաք»։ Ռայիսիի խոսքով՝ տարածաշրջանի հարցերը, խնդիրները պետք է անպայման տարածաշրջանի երկրների պատասխանատուների միջոցով լուծումներ գտնեն: Օտար ուժերի ներկայությունը ոչ միայն որևէ խնդիր չի լուծում, այլ խնդիրներն ավելացնում է: Իսկ ովքե՞ր են օտար ուժերը։ Ակնհայտ է՝ Արևմուտքը։ Ի՞նչ պետք է անի Հայաստանը։ Զարգացնի կապերը Մոսկվա-Թեհրան առանցքի հետ ու զերծ մնա «խաղերից» ՆԱՏՕ-ի հետ»։