«ՔՊ-ն ամենաժողովրդավարական կուսակցությունն է, որ երբևէ գոյություն է ունեցել ՀՀ-ում»․ Արայիկ Հարությունյան

Վարչապետի աշխատակազմի ղեկավար Արայիկ Հարությունյանը ԱԺ-ում ճեպազրույցի ընթացքում լրագրողի դիտարկմանը, որ Նիկոլ Փաշինյանն ընտրվեց ՔՊ վարչության նախագահ, բայց հեղափոխության ժամանակ ասում էր՝ երկրի նախագահը չպետք է հավակնի նաև կուսակցության ղեկավարի պաշտոնին, որովհետև դա լինում է մեկ անձի իշխանություն, պատասխանել է․ «ՔՊ-ն ամենաժողովրդավարական կուսակցությունն է, որ երբևէ գոյություն է ունեցել ՀՀ-ում՝ իր ներքին և արտաքին գործընթացներով: Ժողովրդավարական գործընթացները ՀՀ-ում հասել են այն մակարդակի, որ մենք այլևս նման վտանգներ չունենք։ Սա շատ ընդունված ձև է ամբողջ աշխարհում, շատ քիչ երկրներում է այլ կերպ, խորհրդարանական կառավարման համակարգի զարգացման առումով սա նույպես կարևոր քայլ էր»: