«Մենք տանուլ կտանք. աշխարհը «կլիմայական դժոխքի» ճանապարհին է». ՄԱԿ գլխավոր քարտուղար
![]() 62742 Երկուշաբթի, 07 նոյեմբերի, 2022 թ., 21:18 ՄԱԿ-ի գլխավոր քարտուղար Անտոնիո Գութերեշն ասել է, որ աշխարհը ներկայում գնում է «կլիմայական դժոխքի» ճանապարհով՝ ջերմոցային գազերի արտանետումների աճի պայմաններում: Այս մասին նա նախազգուշացրել է Եգիպտոսում կլիմայի գագաթնաժողովի շրջանակներում իր բացման խոսքում։ «Մենք տանուլ կտանք: Ջերմոցային գազերի արտանետումներն աճում են: Գլոբալ ջերմաստիճանը աճում է: Եվ մեր մոլորակն արագորեն մոտենում է անկման կետին, որը կլիմայական քաոսն անշրջելի կդարձնի»,- ասել է նա: ՄԱԿ-ի գլխավոր քարտուղարը կլիմայի փոփոխությունն անվանել է մեր դարի վճռորոշ խնդիրն ու առանցքային մարտահրավերը։ «Մարդկային գործունեությունը կլիմայի խնդրի պատճառն է: Մարդկային գործողություններն էլ պետք է լուծում դառնան: Գիտությունը միանշանակ է՝ ջերմաստիճանի բարձրացումը մինչև 1,5 աստիճանով սահմանափակելու ցանկացած հնարավորություն նշանակում է մինչև 2050 թվականը հասնել համաշխարհային զուտ զրոյական արտանետումների: Մենք մոտենում ենք անդառնալիության կետին: Սարսափելի ճակատագրից խուսափելու համար G20-ի բոլոր երկրները պետք է արագացնեն անցումը հենց հիմա՝ այս տասնամյակում»,- ընդգծել է նա։ Նա նաև կոչ է արել բանակցել «կլիմայական համերաշխության համաձայնագրի» շուրջ։ «Համաձայնագիր, որի համաձայն բոլոր երկրները լրացուցիչ ջանքեր կգործադրեն այս տասնամյակի արտանետումները նվազեցնելու համար՝ 1,5 աստիճանի նպատակին համապատասխան: Համաձայնագիր, որի համաձայն ավելի հարուստ երկրները և միջազգային ֆինանսական հաստատությունները ֆինանսական և տեխնիկական աջակցություն են տրամադրում զարգացող տնտեսություններին օգնելու՝ արագացնել անցումը դեպի վերականգնվող էներգիա: Համաձայնագիր, որում զարգացած և զարգացող տնտեսությունները միավորվում են ընդհանուր ռազմավարության շուրջ և համատեղում կարողություններն ու ռեսուրսները՝ ի շահ մարդկության: Սա կա՛մ համաձայնագիր է կլիմայական համերաշխության մասին, կա՛մ կոլեկտիվ պայմանագիր ինքնասպանության վերաբերյալ»,- եզրափակել է գլխավոր քարտուղարը: |
«Հուսանք՝ առջևում պուրակի ցախավելապատում չի սպասվում»․ Քրիստինա Վարդանյան
273Երեկ, 17:18«Մեծ կանաչ ծառ են հատել և արմատախիլ արել՝ հետքերը թաքցնելու համար». Էդուարդ Հայրումյան
30317.10.2025, 10:18«Երևանի առնվազն մի հատվածն էկոլոգիական աղետի մեջ է»․ Մեսրոպ Առաքելյան
37311.10.2025, 11:24«Պետք է հայտարարել, որ մարդիկ հնարավորության դեպքում տնից դուրս չգան ու պատուհաններ չբացեն»․ Վիկտոր Մնացականյան
46011.10.2025, 11:12«Ավանի այգու էտը շարունակվում է․ այն կդառնա ցախավելների այգի»․ Էդուարդ Հայրումյան (տեսանյութ)
28508.10.2025, 14:18«Նորաոճ ցախավելները Երևանին ոչինչ չեն տալու»․ Քրիստինա Վարդանյան
36206.10.2025, 11:54«Ո՞նց ձեր ձեռքը գնաց՝ թեղիները «հնձեցիք»»․ Քրիստինա Վարդանյան
86217.09.2025, 17:36«Շրջակայքը էլի մնաց փնթի և անխնամ»․ Քրիստինա Վարդանյան (տեսանյութ)
82613.09.2025, 15:00