«ՀՀ իշխանությունները չեն թաքցնում, որ Արցախի ինքնորոշման հետ կապված իրենք ձեռքերը լվանում են»․ սահմանադրագետ

Հայաստանին սպառնացող մարտահրավերների վերաբերյալ քննարկմանը սահմանադրագետ Վարդան Պողոսյանն իր ելույթում խոսել է Արցախի ինքնորոշման իրավունքի վերաբերյալ. «Ցանկացած բանակցություններում և դրա արդյունքում կնքվելիք փաստաթղթում Արցախի ինքնորոշման փաստը չպետք է դրվի հարցականի տակ։ Ցավոք, այսօրվա բանակցային գործընթացը գնում է այն ուղղությամբ, և ՀՀ իշխանությունները դա չեն թաքցնում, որ Արցախի ինքնորոշման հետ կապված իրենք ձեռքերը լվանում են և այդ հարցին չեն ցանկանում ընդհանրապես անդրադառնալ։ Այդ հարցն, ըստ էության, թողնում են Ադրբեջանի հայեցողությանը։ Դա նշանակում է, որ իշխանությունները հետ են կանգնում սահմանադրության և հռչակագրի պահանջներից»։