«Տարած-հետ բերած հարսի եք նման». Գևորգ Պետրոսյանը՝ ընդդիմությանը

ԱԺ նախկին պատգամավոր Գևորգ Պետրոսյանը ֆեյսբուքյան եթերում անդրադարձել է ընդդիմության՝ ԱԺ այսօրվա նիստին մասնակցելուն: «Ընդդիմության վերադարձը խորհրդարան, դա ընդդիմության խայտառակությունն էր, որը հիմք է տվել հեգնել նրանց: Դուք էսօր լեգիտիմացրեցիք ապազգային իշխանության գործունեությունը: Ասում եք՝ 300 հազար մարդ մեզ ձայն է տվել, իրավունք չունենք չվերադառնալ, բա որ հայտարարում էինք՝ ԱԺ չենք վերադառնալու, չէիք հիշո՞ւմ, որ 300 հազար մարդ ձեզ ձայն է տվել»,- ասել է Պետրոսյանը: Նա նշել է, որ այսուհետև հավասարապես քննադատելու է նաև ընդդիմության գործունեությունը. «Ո՛չ փողոցում կարողացաք հաջողել, ո՛չ ԱԺ-ում.... Կներեք, դուք հիմա տարած-հետ բերած հարսի եք նման»: