«Մակրոնն արդեն Իլհամին խոստացել է հայ-ադրբեջանական հարաբերություններում մնալ անկողմնակալ միջնորդ». Վահրամ Աթանեսյան

Քաղաքական վերլուծաբան Վահրամ Աթանեսյանը գրում է. «Նոյեմբերի 13-ին Ֆրանսիայի նախագահը իր նախաձեռնությամբ հեռախոսազրույց է ունենում Իլհամի հետ, տեղեկացնում, որ նոյեմբերի 19-ին հանդիպելու է Նիկոլ Փաշինյանին, նոյեմբերի 15-ին Ինդոնեզիայի Բալի կղզում կայանում է Մակրոն-Էդողան հանդիպում, իսկ նույն օրը Ֆրանսիայի խորհրդարանը ընդունում է Ադրբեջանին դատապարտող բանաձեւ, որ խորհրդատվական (գոհանանք, որ չեն ասում՝ խորհրդանշական) է։ Որոշում պետք է կայացնի Մակրոնը։ Իսկ նա արդեն Իլհամին խոստացել է հայ-ադրբեջանական հարաբերություններում մնալ անկողմնակալ միջնորդ։ Ըստ երեւույթին, նույն բանը նա այսօր ասել է նաեւ Էրդողանին։ Իսկ հայության մի ստվար զանգված, ինչպես սոցիալական մեդիայի եւ մամուլի արձագանքներից է երեւում, արդեն հրճվում եւ հաճույքից ձեռքերը շփում է․․․»: