«Նվազագույն աշխատավարձը 7 հազար դրամով բարձրացնելը լուծում չէ». Թադևոս Ավետիսյան

«Նախագծով առաջարկվող նվազագույն աշխատավարձի 7 տոկոս կամ 10 տոկոս բարձրացումը ոչ միայն ուշացած է, այլ նաև՝ ոչ համարժեք ահագնացող այս գնաճի ֆոնին։ Իրական լուծումը ոչ թե մի քանի հազարով աշխատավարձի բարձրացումն է, ալյ՝ նվազագույն աշխատավարձի ինդեքսավորումը, որի նախագիծը քաղաքական մեծամասնության կողմից մերժվել է». այս մասին Ազգային Ժողովում «Նվազագույն ամսական աշխատավարձի մասին» օրենքում փոփոխություններ կատարելու մասին և Հայաստանի Հանրապետության աշխատանքային օրենսգրքում փոփոխություններ և լրացում կատարելու մասին նախագծերն առաջին ընթերցմամբ ընդունելուց հետո հայտարարեց «Հայաստան» խմբակցության պատգամավոր Թադևոս Ավետիսյանը:

«Գնաճի բոլոր նախադրյալները կան և մինչև հաջորդ տարվա ավարտ, զամբյուղի և նվազագույն աշխատավարձի ձեր առաջարկած չափի տարբերությունը լինելու է շուրջ 3 անգամ, այսինքն՝ նվազագույն զամբյուղը բարձրանալու է մոտ 80-85 հազար, իսկ դուք առաջարկում եք 75 հազար դրամ, հետևաբար սա լուծում չէ, դրա համար մենք քվեարկեցինք ձեռնպահ»,- ասաց նա։