«Առավոտյան գալիս, գրանցվում են և դասից փախնում»․ Անդրանիկ Քոչարյան

Խորհրդարանում, իր ելույթում, Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը խոսելով ընդդիմադիրների՝ ԱԺ նիստի կեսից դահլիճը լքելու մասին, ասաց. «Երբ չես մասնակցում, առավոտյան գալիս, գրանցվում ես և դասից փախնում ես։ Սա այն տեղը չի, որտեղից պետք է փախնել, սա այն տեղն է, որտեղ պետք է ստեղծել համերաշխության միջավայր, այն էլ՝ հետպատերազմյան Հայաստանում։ Անվտանգության ոլորտի զարգացումը պետք է առնչվեր բոլորին։ Առավոտյան քվեարկությունը զարմացրեց բոլորիս, որովհետև իրենք փաստորեն համերաշխ չեն բանակում աշխատավարձի բարձրացմանը՝ հենված կրթության վրա, բանակի երիտասարդացմանը, հիմա իրենք կզարմանան, որ գալու է օրինագիծ, որ բանակի տարիքով անձնակազմին՝ ըստ նախարարության անհրաժեշտության օգտագործելու իրավական հնարավորություն տրվի։ Շատ հարցեր կան, որոնք մենք պետք է միասին անցնենք»։