«ԱՄՆ դերը հնարավոր չէ թերագնահատել». հայտարարություն

«Հանուն Հանրապետության» կուսակցության քաղաքական խորհուրդը հայտարարություն է տարածել. «Չափազանց տպավորված ենք և կարևորում ենք նախօրեին ԱՄՆ Սենատում հայ-ադրբեջանական հարաբերությունների կարգավորման և ԼՂ հարցի շուրջ լսումների շրջանակներում ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսի շիտակ և արդարամիտ հարցադրումները հարավկովկասյան տարածաշրջանի ուղղությամբ ԱՄՆ արտաքին քաղաքական գերատեսչության պատասխանատուներին։
ԱՄՆ Սենատում անցկացված սույն լսումները համարում ենք այս ամիս կայացած միջանկյալ ընտրություններում դեմոկրատական կուսակցության տարած անվիճելի հաղթանակի գրավական և վկայություն։
ԱՄՆ դերը, կշիռը, ազդեցությունը հնարավոր չէ թերագնահատել թե՛ հայ-ադրբեջանական, և թե՛ Հայաստան-Թուրքիա հարաբերությունների կարգավորման գործընթացներում և Սենատոր Բոբ Մենենդեսի ծանրակշիռ հարցադրումները երկրի գործադիր իշխանության պատասխանատուներին միայն ավելացնելու է ԱՄՆ-ի հավասարակշռող ազդեցությունը հարավկովկասյան տարածաշրջանում։
Այսու, բերում ենք մեր անվերապահ երախտիքի խոսքը Սենատոր Մենենդեսին իր անզիջում, անսակարկելի նվիրվածության համար արդարությանն ու մարդասիրությանը։ Նրա անշահախնդիր ջանքերը Հայոց ցեղասպանության ճանաչման գործում այսօր էլ մնում են պահանջված, որովհետև թյուր է տպավորությունը, թե Ցեղասպանությունը միայն հարյուրամյա վաղեմության իրադարձություն է։ Ամենևին ոչ՝ ցեղասպանությունն այլևս այսօր, այս պահին Արցախում, Հայաստանում հայության գլխին կախված մեծագույն սպառնալիք է, որը հույս ունենք հաղթահարել նաև բարեկամ ԱՄՆ-ի հետ սերտ համագործակցությամբ»։

«Սա քաղաքական ուղերձ է, որը նոր աշխարհակարգի հաստատման ընթացքում կխաղա իր դերը»․ Արա Պողոսյան
1809:48
Հավաքները շարունակվում են. ընդդիմությունն օրակարգ ունի․ «Հրապարակ»
4809:24
Փաշինյանի կինը՝ ընդդեմ Փաշինյանի թիմի՞. «Ժողովուրդ»
5209:18
Իսրայելի խորհրդարանը խոսնակ է ընտրել ընդդիմության թեկնածուին
8909:13
«Հարկադրանքի նախկին գործիքներն իրենց սպառել են». Պուտին
10809:07
«Ուզում են Թևանյանին հոգեբանական կտտանքների ենթարկելով՝ ապահովել նախակաթվածային վիճակ»․ Արեգ Սավգուլյան
11702:06
«Իշխանության նկատմամբ քաղաքացու դիրքորոշումը չպետք է կախված լինի ընդդիմության հեղինակությունից»․ Վլադիմիր Մարտիրոսյան
13101:30
«Պուտինի այցը Չինաստան ունի և՛ տնտեսական, և՛ ռազմավարական նշանակություն»․ Վահան Բաբայան (տեսանյութ)
12101:06