«Կեղծ օրակարգ է, թե լիդերի անուն լինի, կհաջողենք․ մեկ օրում Վազգեն Մանուկյանին դարձրին Գետաշեն հանձնող»․ Քրիստինե Վարդանյան

ԱԺ «Հայաստան» խմբակցության պատգամավոր Քրիստինե Վարդանյանը 24TV-ի եթերում, խոսելով ընդդիմադիրների ԱԺ վերադառնալու պատճառների մասին, ասել է․ «Փողոցային պայքարը ժամանակավոր դադար է վերցրել, հասել ենք մի կետի, որ առաջ գնալու համար պետք է ուժերը հավաքել: Գլխավոր նպատակին հասնել չի հաջողվել, մենք հիմա շռայլություն չունենք ԱԺ գործիքակազմը չօգտագործել․ սա է գլխավոր պատճառը խորհրդարան վերադառնալու։ Վերադարձը խորհրդարան պայքարի ավարտ չի նշանակում, պայքարի պատրաստի լուծումներ չկան, դրանք պետք է գտնվեն պայքարի ընթացքում»։

Դիտարկմանը՝ «կարծիքներ կան, որ ընդդիմությունը չհաջողեց, քանի որ վարչապետի թեկնածու չներկայացրեց», Վարդանյանը պատասխանել է․ «Առաջնային է ոչ թե լիդերը, այլ իրավիճակից դուրս գալու ելքերը: «Հայրենիքի փրկության» շարժման ժամանակ կար վարչապետի լավագույն տարբերակը՝ Վազգեն Մանուկյանը, մարդ, ով տարիներ առաջ, երբ ամեն ինչ գնում էր պարտության, փոխեց իրավիճակը, բայց նրան մեկ օրում դարձրեցին Գետաշեն հանձնող, չնայած՝ նա այդ ամենի հետ կապ չուներ: Այնպես որ, կեղծ օրակարգ է, թե ընդդիմությունը, որ լիդերի անուն տար, կհաջողեր»: