«Սյունիքի մարզը ներկայացնող պատգամավորներն այլևս մաս չեն կազմում «Վերածնվող Հայաստան» կուսակցությանը»․ Աննա Գրիգորյան

««Սյունիքը ներկայացնող պատգամավորներն այլևս մաս չեն կազմում «Վերածնվող Հայաստան» կուսակցությանը, միևնույն ժամանակ՝ հանդիսանում են «Հայաստան» խմբակցության պատգամավորներ։ Այն միֆը կամ այն իլյուզիաները, որը որոշ մարդիկ տածում են առ այն, որ «Հայաստան» խմբակցությունը կազմաքանդվում է, իրականությանը չի համապատասխանում․ ես, Արթուր Սարգսյանը, ինչպես նա Վահե Հակոբյանը շարունակում ենք լինել «Հայաստան» խմբակցության անդամներ»,- այսօր ԱԺ-ում լրագրողների հետ զրույցում հայտնել է պատգամավոր Աննա Գրիգորյանը։

Խոսելով «Հայաստան» խմբակցության պատգամավորների՝ մանդատները վայր դնելու լուրերի մասին, Գրիգորյանը նշել է․ «Տեսականորեն որևէ բան հնարավոր չէ բացառել, բայց նման քննարկում խմբակցության ներսում մինչ այս պահը չի եղել»։