«Ի՞նչ ասել է օրինական պահանջ անձի նկատմամբ, ով գտնվում է իր որդու գերեզմանում». Ռոբերտ Հայրապետյան

Իրավաբան Ռոբերտ Հայրապետյանը ֆեյսբուքյան իր էջում գրել է. «Ոստիկանությունը հայց է ներկայացրել ընդդեմ զոհված զինծառայողների ծնողների
Ամենայն հավանականությամբ հայցերը կառուցել են վերջերս պարեկների բերանի ծամոն դարձաց «Ոստիկանի օրինական պահանջը չկատարել»-ու վրա:
▪️Ինչքանով է պահանջն իրականում օրինական եղել,
▪️Ինչ ասել է օրինական պահանջ անձի նկատմամբ, ով գտնվում է իր որդու գերեզմանում,
▪️Արդյոք Եռաբլուրն այն վայրն է, որտեղ պաշտոնատար անձի այցելության դեպքում, որևէ մեկն ունի պարտավորություն այդ տարածքը լքելու,
▪️Եվ, առհասարակ, ինչ ասել է ոստիկանի օրինական պահանջ.
Սրանք հարցեր են, որոնք մանրամասն ենթակա են պարզաբանման դատավարության ժամանակ:
Թեպետ այս հարցերն առհասարակ պետք է չծագեին մի երկրում, որի Սահմանադրության 3-րդ հոդվածով մարդը բարձրագույն արժեք է:
Չէ որ մարդը, բացի իր անտատոմիական կառուցվածքից, առաջին հերթին հենց իր հույզերով ու ապրումներով է մարդ, իսկ այդ հատկանիշների վրա խաղալն առնվազն ԱՆԲԱՐՈՅԱԿԱՆՈՒԹՅՈՒՆ Է:
Հ.Գ. ես լիահույս եմ, որ վարչական դատարանում կան այնպիսի դատավորներ, որոնց համար սեփական խիղճն ու օրենքը բարձր են ամեն ինչից ու յուրաքանչյուրից»: