47 միլիոն դոլար Ջոդիի համար. Նանոտիրանի կմախքը վաճառվել է Նյու Յորքի աճուրդում

Նյու Յորքի Sotheby's աճուրդի տանը 47,3 միլիոն դոլարով վաճառվել է «Ջոդի» մականվամբ նանոտիրան ցեղատեսակի դինոզավրի կմախքը: Գնորդի անունը չի հրապարակվում: Նանոտիրանների՝ տիրանոզավրերին ազգակից, բայց չափսերով ավելի փոքր դինոզավրերի գոյությունը հաստատվել է միայն վերջերս:
Հնագույն գիշատչի երեքմետրանոց կմախքի համար սակարկությունները տեղի են ունեցել երեքշաբթի օրը: Աճուրդի տնից հայտնել են, որ վեց պոտենցիալ գնորդներ 12 րոպե շարունակ առցանց և հեռախոսով պայքարել են լոտի համար: Արդյունքում ընդունվել է հեռախոսային հայտը՝ 47,3 միլիոն ԱՄՆ դոլար, ինչը մի քանի անգամ գերազանցում է կմախքի նախնական գնահատականը (6-9 միլիոն դոլար):
Sotheby's-ը Ջոդիին բնութագրել է որպես «գերազանց, ցուցադրության համար պատրաստ» կմախք, որը բաղկացած է մոտ 191 քարացած ոսկորներից և ներառում է «հիանալի պահպանված, գրեթե ամբողջական գանգ»:
Մոտ մեկ տարի առաջ գիտնականները հաստատեցին, որ Ջոդիի կմախքը պատկանում է դինոզավրերի առանձին ցեղի: Անցյալ տարվայի հոկտեմբերին ամերիկացի հետազոտողներին հաջողվեց ապացուցել նանոտիրանների ցեղի գոյությունը: Ինչպես հայտարարում է Sotheby's-ը, սա առաջին նմուշն է, որն այդ ժամանակվանից ի վեր հանվել է վաճառքի, և գիտությանը հայտնի նանոտիրանների ընդամենը երեք կմախքներից մեկը:
Պորտսմութի համալսարանի պալեոնտոլոգ Մեգան Ջենքինսը BBC Radio 4-ի «Today» հաղորդաշարի եթերում նշել է, որ «նանոտիրանը երկար ժամանակ համարվում էր ինչ-որ դեռահաս տիրանոզավր»:
«Բայց այն շատ ավելի փոքր է և նրբագեղ: Այն առանձնանում է սլացիկ, նուրբ մարմնակազմությամբ, իսկ նրա՝ սայրերի նման ատամները հարմարեցված են միս կտրելու համար»,— պարզաբանել է Ջենքինսը: Տիրանոզավրը և նանոտիրանը համագոյակցել են միևնույն երկրաբանական ժամանակաշրջանում՝ մոտ 67 միլիոն տարի առաջ:
2023 թվականի հոկտեմբերին՝ նախքան նանոտիրանների ցեղի պաշտոնապես առանձնացվելը, Ջոդին ցուցադրվել էր Լոնդոնի Frieze Masters միջազգային արվեստի տոնավաճառում որպես երիտասարդ տիրանոզավրի մնացորդ:
Կմախքն իր տարածքում գտել էր Մոնտանա նահանգի Հելլ Քրիկի ռանչոյի սեփականատեր Ջոդի Փիրսոնը, որտեղ հաճախ են գտնում դինոզավրերի մնացորդներ: Կմախքը նրա պատվին անվանել են Ջոդի: Այն պեղել է կոմերցիոն պալեոնտոլոգ Քլեյթոն Ֆիփսը:

«Իրանը Վաշինգթոնում «կեղտոտ ռումբ» պայթեցնելու ծրագրեր է մշակում»․ #CNN
5700:37
Ֆրանսիայում աշխատավարձերի բարձրացման պահանջով լայնածավալ բողոքի ակցիաներ են անցկացվել (տեսանյութ)
114Երեկ, 22:55
Մահացել է ՀՀ ժողովրդական արտիստ Հակոբ Ազիզյանը
85Երեկ, 22:30
Պրահայում ուղևորատար գնացքներ են բшխվել․ կա 46 տnւժшծ (տեսանյութ)
96Երեկ, 20:36
Պերուում հրաժեշտի պատարագի ժամանակ նետված վարդարանը հարվածել է Հռոմի պապի դեմքին (տեսանյութ)
235Երեկ, 20:07
«Գոռ Համբարձումյանի նկատմամբ տնային կալանքի ժամկետը երկարաձգելու վերաբերյալ միջնորդությունը մերժվել է»․ Գայանե Պապոյան
101Երեկ, 19:18
«Խցանումները հետևանք են մի շարք խնդիրների, որոնց լուծումը պահանջում է քաղաքական կամք». Գոռ Մադոյան
111Երեկ, 17:48
«Խցանումների հարցի լուծումը պահանջում է քաղաքաշինական համարձակ լուծումներ»․ Վահան Բաբայան
96Երեկ, 17:30