«Ընդդիմությունը ոչ թե ձեր առաջարկից է հրաժարվում, այլ Ալիևի առաջարկից, ցավոք, դուք արդեն նույնականացել եք»․ Աննա Գրիգորյան

«Կանեմ առաջարկություն, որից ընդդիմությունը չի կարող հրաժարվել»,– այս մասին ԱԺ-ում Կառավարության հետ հարցուպատասխանի ժամանակ ընդգծեց վարչապետ Նիկոլ Փաշինյանը՝ անդրադառնալով «Հայաստան» խմբակցության պատգամավոր Աննա Գրիգորյանի հարցադրումներին, որոնք վերաբերում էին Սահմանադրության փոփոխությանը։

Աննա Գրիգորյանը նկատեց. «Ընդդիմությունը ոչ թե ձեր առաջարկից է հրաժարվում, այլ Ալիևի առաջարկից է հրաժարվում։ Ցավոք դուք արդեն նույնականացել եք․․․

Դուք վերջերս ասում էիք՝ իմ քաղաքական առաքելությունը ավարտված կհամարեմ, եթե չկարողանամ փոխել սահմանադրությունը։ Հունիսի 7–ին ձեր իսկ ասած առաքելությունը արդեն ավարտված է»,-նշեց Գրիգորյանը։

Փաշինյանն արձագանքեց. «Այստեղ մնում էր ասել՝ ծափ, ծափ, ծափ։ Ես էլի ասում եմ հետևյալը, որ մենք պետք է կենտրոնանանք մեր կենսական խնդիրների լուծման վրա։