«Կես քայլ առաջ, բայց զրո արդյունք»․ Աբրահամ Գասպարյանը՝ ՄԱԿ-ի ԱԽ նիստի մասին

Քաղաքագետ, դոցենտ Աբրահամ Գասպարյանը 24TV-ի եթերում անդրադարձել է Նյու Յորքում պաշտոնական Երևանի պահանջով հրավիրված ՄԱԿ-ի Անվտանգության խորհրդի նիստին․ «Հայկական հարցը մանրադրամ է դարձել ՄԱԿ-ում։ Եթե պատկերավոր փորձեմ ասել՝ կես քայլ առաջ, բայց զրո արդյունք․ միջազգային հարաբերություններում էֆֆեկտիվությունը պետք է շոշափելի դարձնել, եթե որևէ գործընթաց շոշափելի չէ, ապա մնացածը թմբկահարելով․․․ Քաղաքականության մեջ իրական խնդիրները լուծվում են սահմանին։ Եթե Հայաստանը ոչինչ չի անում ճանապարհի բացման ուղղությամբ, ապա ոչ մի երկրից ոչինչ ակնկալել պետք չի, աշխարհին չի հետաքրքրում Արցախը, ինչպես օրինակ՝ Ուկրաինան։ Եթե ճամփադ փակում են, պետք է ոտքին կրակես, որ արնաքամ լինի, 120 000 մարդու կյանքի հարց է»,- նշել է Գասպարյանը։