Արմեն Գրիգորյանը՝ Միրզոյանի՝ Մոսկվա չմեկնելու պատճառների մասին

«Հայկական կողմը միշտ էլ կառուցողական է եղել, նաև վերջին 2 տարում՝ պատերազմից հետո շարունակվող բանակցություններում։ Դժվար է ճգնաժամի և սպառնալիքների պայմաններում շարունակել բանակցությունները։

Մենք չենք գնացել, որովհետև Լաչինում ճգնաժամ է ստեղծվել։ Լայնածավալ աշխատանքի անհրաժեշտություն կա, որպեսզի Լաչինի միջանցքն արագ բացվի։ Ամբողջ մեր քաղաքական թիմը և արտաքին քաղաքականության համար հատուկ պատասխանատուները զբաղվում են այդ հարցը հանգուցալուծելով։ Մենք գնահատել ենք իրավիճակն ու հասկացել ենք, որ լավագույն տարբերակը սա է մեր քայլերը կոորդինացնելու համար»,-ՀԸ-ի եթերում անդրադառնալով Մոսկվայում կայացած եռակողմ հանդիպմանը չմասնակցելու պատճառներին, ասել է ԱԽ քարտուղար Արմեն Գրիգորյանը: