Բրազիլիայում ցուցարարները գրոհել են նախագահական նստավայրը, խորհրդարանի ու Գերագույն դատարանի շենքերը

Բրազիլիայի նախկին նախագահ Ժաիր Բոլսոնարոյի կողմնակիցները հունվարի 8-ին ցույց են անցկացրել՝ բողոքելով նախագահական ընտրությունների արդյունքների դեմ։ Նրանք պահանջել են վերանայել դրանք։ Ցուցարարները սկսել են գրոհել խորհրդարանի, դատարանի շենքերը, պետության ղեկավարի նստավայրը:
Բերման է ենթարկվել ավելի քան 400 ցուցարար:
Գործող նախագահ Լուիս Ինասիու Լուլա դա Սիլվան մինչև հունվարի վերջ արտակարգ դրություն է հայտարարել: