«Այդ ասուլիս կոչվածը հրավիրված էր մի քանի նախադասություն հնչեցնելու համար»․ Հայկ Մամիջանյան

Այսօր լրագրողների հետ զրույցում ԱԺ «Պատիվ ունեմ» խմբակցության ղեկավար Հայկ Մամիջանյանը, ամփոփելով հունվարի 10-ին ՀՀ վարչապետ Նիկոլ Փաշինյանի ասուլիսի հիմնական ուղերձները, նշել է․ «Փաշինյանի մոտ ոնց որ թե ստերը արդեն վերջացել են և սկսվել են կրկնվել։ Այդ ասուլիս կոչվածը հրավիրված էր մի քանի նախադասություն հնչեցնելու համար․ դրանցից մեկն այն անհեթեթությունն էր, որն ինքը ասել էր՝ կապված ՀՀ ռազմավարական դաշնակցի հետ․․․ Նաև ինքը փորձեց հերթական անգամ մաքուր ադրբեջանական թեզեր հնչեցնել ՄԱԿ-ի 4 բանաձևերի հետ կապված, որոնք աշխարհում բացի Ալիևից՝ հորից և որդուց, և իրենց տարբեր կալիբրի պաշտոնյաներից երբեք ոչ մեկից չեմ լսել․ փաստացի միայն ադրբեջանցիներն ու Փաշինյանն են խոսում այդ բանաձևերից»,- նշել է պատգամավորը։