«Ի՞նչ է առաջարկում. Ռուբեն Վարդանյանն ասի՝ Իլհամ Ալիևն իմ մեծ ախպերն ա՞». Շարմազանով

Այսօր լրագրողների հետ զրույցում ՀՀԿ Գործադիր մարմնի անդամ Էդուարդ Շարմազանովը մեկնաբանել է ՀՀ վարչապետ Նիկոլ Փաշինյանի՝ Կառավարության նիստում արված հայտարարությունը, ըստ որի՝ Արցախի ղեկավարությունը չպիտի այնպիսի հայտարարություններ անի, որոնք ավելի կսրեն իրավիճակը, և պետք է բանակցի Ադրբեջանի հետ․ «Այսինքն՝ ի՞նչ է առաջարկում․ Ռուբեն Վարդանյանը կանգնի և ասի՝ Իլհամ Ալիևն իմ մեծ ախպերն ա՞, իրա նման ասի՝ Ալիևը կառուցողական ա՞... ի՞նչ ասեն էդ մարդիկ, գնան թուրք «էկոլոգներին» միանա՞ն, ասեն՝ Ղարաբաղ «բիզիմդի՞ր», ի՞նչ ա առաջարկում։ Էնքան մենք քնած ենք, անջատված ենք, անտարբեր ենք, էս մարդը արդեն ուղիղ, բացահայտ ասում ա՝ Ռուսաստանն ա սպառնալիքը, ոչ թե Թուրքիան, բառացի ասում ա՝ ես չպիտի անեմ քայլ, որը դուր չի գա Թուրքիային և Ադրբեջանին»,- ասել է Շարմազանովը։