«Էդ էլ է փողո՞վ, դրա համար իսկանդեր է պե՞տք, թե՞ գիշերատես սարքեր»․ Լևոն Բարսեղյան

«Ասպարեզ» մամուլի ակումբի խորհրդի նախագահ Լևոն Բարսեղյանը գրել է. «Ալիևի բարբաջանքներին պատասխանող չկա՞, չեմ հասկանում: Ի նկատի ունեմ իշխանությունից, պատգամավորներից, խորհրդարանի և արտախորհրդարանական ընդդիմություններից, այսինքն՝ այսպես կոչված՝ քաղաքական ուժերից: Ամեն ռեպլիկին 10 պատասխան, արագ՝ 8 լեզվով թարգմանվող և հրատապ տարածվող բոլոր հնարավոր ԶԼՄ-ներով ու ցանցերով: Չհասկացա, էդ էլ է փողո՞վ, դրա համար իսկանդեր է պե՞տք, թե՞ գիշերատես սարքեր, ի՞նչ է պետք, ասեք՝ հավաքվենք ճարենք տանք՝ պատասխանեք, այ մարդ: Թե չէ մտածել եք տալիս, որ կայֆերի մեջ տժժում եք հարմար տեղավորված: Թե՞ տեքստերը գրենք տանք, ասեք՝ գրենք տանք, թե՞ գնանք կուսակցություն ստեղծենք՝ մենք անենք էդ հայտարարությունները»: