Կենդանաբանական այգու վագրերի ընտանիքը համալրվել է ևս մեկով

608

Հինգշաբթի, 12 հունվարի, 2023 թ., 23:54

Երևանի կենդանաբանական այգու վագրերի ընտանիքը համալրվել է ևս մեկով: Բարերարներ, հայր և որդիներ Առաքելյանները այգուն նվիրաբերել են ամուրյան վագրի առանձնյակ․ տեղեկացնում է Երևանի քաղաքապետարանը։
Կենդանին 7 տարեկան է: Այգում անցնելու է կարանտինային շրջան և ազատավանդակի վերակառուցումից հետո կմիանա վագրերի ընտանիքին:
«Կենդանաբանական այգու տնօրինությունն իր գոհունակությունն է հայտնում բարերարներին այս նվիրատվության համար և վստահեցնում, որ այգին կանի առավելագույնը՝ նաև նոր կենդանիներին պատշաճ պայմաններ ապահովելու համար»,- նշված է հաղորդագրության մեջ:

Աղբյուրը` Երևանի քաղաքապետարան